اعرف نفسك

متحاولش تبقا اي حد تاني غير نفسك
دور بنفسك جوا نفسك
متكسلش وقوم قلب ودور هتلاقي ميزتك
صدقني هتلاقي ميزتك
متحاولش تبقا حد تاني غير نفسك
خليك واثق في نفسك
قوم دور بنفسك جوا نفسك
هتلاقي حاجه محدش فيها ينافسك
متكسلش وقوم دور هتلاقي ميزتك
ميزتك في صوتك او في رسمك
متستبعدش تبقا ميزتك حركه بيعملها جسمك
او فكره فانتستيك في مخك
ممكن تكون كمان مميز في الطب وفي الحساب
او ميزتك نفسك في طبخك
ممكن ميزاتك تطلع في لوحه او كتاب
ممكن تكون ميزتك لياقتك
ميزتك انك قلبك ميت تقدر تضرب كل الناس_بودي جارد_
او تكون ميزتك سياستك (مشتاق)
ميزتك انك رومانسي ومأفور في الاحساس (عايق)
اوتكون ميزتك فراستك (سوني)
ممكن ميزتك تكون قلب ابيض او حنون (وشوشني) (شذا)
ممكن تكون ميزتك حماشتك (تايجر)
في ناس تعرف تفصل لبس الناس بكل احساس مهما تكون خامة قماشتك
وناس بضربة فاس تحول تربه قلقاس او اناناس بفضل ربي مش بفضلك
ولو في يوم لبست قضيه في ناس ميزتها هي انها تجيب براءتك

بس
ركز في اللي جي
محدش عاجبه حاله حاله غيره اللي بتحلاله دايما
شرقي بيغرب وايسر نفسه يبقا ايمن
التخين بيخسس والتاني رفيع نفسه يطخن
اسمر بيفتح ابيض نفسه يبقا بلاك فحمه
ان خلف بت بيزعل نفسه يخلف واد

انسي انك ترضي بحالك دايما عاجبك حال الغير
مهما تكون حالتك دايما باصص للتغيير
صدقني لو بصيت جواك هتلاقي ياما خير كتير
قدرات مميزات ان كنت غني او فقير
متقللش من نفسك ده انت بنفسك طاقه خير
هتحقق اللي في نفسك واللي يمسك خليه يطير
ارضي ي ابن ادم باللي اتقسم عليك
ولوني عارفك مش هترضي غير بتراب في عنيك

ربك ميز كل واحد منا بحاجه
فالناس تفضل لبعض دايما محتاجه
دور والقي ميزتك
حاول حافظ عليها
طورها اتميز بيها
حياتك هتلاقيها
رايقه وماشيه صح طول منتا راضي بيها
ارضي بحياتك انت واقبلها باللي فيها
ده الرضا نعمه كبيره احمد ربك عليها
وخدها مني كلمه ما في حاجه بتساويها

لو ملكش عازه مكنتش اتخلقت
والا اتحسبت من الناس والا اترزقت


دي سونج لاحمد مكي ودنيا وي ريت تسمعوها كمان مع الميوزك هتعجبكو اكتر
كل واحد فينا اكيد ربنا من عليه بنعمه او ميزه لازم يحاول يعرفها الاول وبعدين يحاول يستغلها صح
ولاني عارفه ان مش من السهل كل انسان يحدد ميزته ويعرفها حاولت اساعد اخواتي واصحابي في تحديد مميزاتهم ومش شرط يكون تحديد دقيق ميه في الميه يعني بس اهو قريب كتير من شخصياتهم
********* ربنا يخلينا بعض دايما*********

جميل اوى الكلام ده ياسالو ومعناه اجمل احنا فعلا لازم نرضى باللى ربنا قسمهولنا ونستغل مميزاتنا ونحاول نقضى على عيوبنا بقدر الامكان على الاقل علشان مانتعبش فى حياتنا كتير والقناعه كنز لا يفنى .....
وربنا يوفقنا جميعا يارب

فعلا يا سالو ديما مش بنرضى بحالنا ولا عاجبنا حالنا مع ان كل واحد فينا عنده حاجه مميزاه عن الثاني والا مكناش مختلفين عن بعضنا لا فالافكار او الاحساسيس او .. او ..
فعلا كلام جميل والاجمل انك انتي اللي كاتباه تسلم ايديك حبيبتي مزيدا من التالق

تحفه يااتش دبور يارب اشوفك عروسه وفاين ياحبى من تألق لتألق مش غريبه على بلد زيزو انها تطلع سالو تيك اواى

والله انتي اجمل واجمل ي احلي شذا
واجمل ما فيكي حنيتك وقلبك الابيض ده
ي رب تفضلي كده علطول

ميرسي كتير نهوله على مرورك الجميل ورأيك المتميز دايما
واكيد موضوعي زاد شرف بمرورك عليه
تسلميلي ي رب

ي فاهماني ي سوني
ي رب انا وانتي وكل البنات ان شاء الله ي قمري
ونكون مش اي عرايس لا احلي عرايس في الدنيا
وخدي بالك دي بلد عمرو دياب كمان
واوعي تنسي ابو هشيمه اللي رافع راسنا

موضوه جميل يا سالو مش جميل بس ده هايل
فعلا كل واحد فينا فى ميزة بتميزه عن غيره
لو عرف الميزة ديه وعرف قيمتها واستثمرها صح هيحس انه احسن انسان فى الدنيا
ومش هيبص لغيره
بس انتى نسيتى ميزتك يا سالو (روحك الحلوة وكاريزمتك العالية يا قمر)

نسيت ابعتلك بوسة يا سالو

تسلمى يا سالو
وانا بجد لو اتكلمت عن مميزاتك مش هقدر اوصفها

ايه كاريزمتي دي ي تايجر شتيمه دي والا ايه
وكمان بعتلي بوسه ده انتا نهارك مش معدي انهارده
انا ببعت البوسه للبنات بس ي اخويا والولاد قلب

يسلملي عمرك ي صابر
ربنا يخليك ليا وافضل اتعلم من زوقك وسياستك

من غير اى كلام تقوليه يا سالو
ومهما قلتى اى كلام
ومهما عبرتى باى حروف
هايفضل قلبك هو القلب الطيب
بجد يا سالو انتى انسانه جميله بجد
استمرى ياقمر

ربنا ما يحرمني منك ي احلي عايق ولا من كلامك الجميل ده

الانسان نمروووووووووووووووود
ما عاجبه حاجة
ههههههههههههههههههههههههههههههههههه
بس حلوة السونج دى
منورة يا احلى ورررررررررده