ايهما افضل ؟!!!

هل من الممكن أن يكون أصدقاء النت أوفى وأفضل من أصدقاء الواقع
نتخبـط في هذه الدنيـا الواسعه..


تصادفنـا الكثيـر من المواقـف ..


نمـر بالعديد من الظـروف ..


يمر علينا آلاف بل ملايين الأصناف من الناس


منهـم الضعيف ومنهم الكاذب ومنهم الشريف ومنهم الخائن ومنهم ومنهم ...الخ ..

وبحـكم طبيعـة الإنسـان فـ هو بحاجـة إلـى صديـق


يحكي له عن همومـه ويصارحه بما يـلوج في خاطره ويشاطره السعاده والحزن ..


بالطبـع الإنسان في بداياتـه يكون قليل الخبره ولكن


مع مرور الوقت ومع تلقيه لـ صفعات الزمـن التي طغـى عليها طابع الكذب والخيـانـه ..


يكتسب خبراته من خلال تجاربه فيهـا ..


ولـو ركزنـا الضـوء على عالم الإنترنت


فـ سنرى أنه يعـجّ بالكثير والكثير من الناس من مختلف بقاع الأرض


نلتقيهم إما من خلال المحادثات أو المنتديات أو الأعمال التي نجريهـا


خلال هذه الشبكه العنكبوتيـه أو أو ..


وربمـّـا نصادف ذلك الشخص الذي نرتاح له

ويقاسمنا العديد من صفاتنـا المشتركـة ..


ذلك الشخص الحنون الصادق المحترم صاحب الأخلاق العاليـة
.
ربمـّـا يكون فعلا هو كذلك مثلما تصورنا


وربمـّا يكون " ذو وجهين "


ولكن في كل وقت وفي كل مكان


تكون كلمه " قد يكون .. وقد يكون


سواء في النت أو خارجـه



فـ سؤالي لكم .. ؟

هـل من الممكن أن يكون أصدقاء النت أفضـل وأوفـى من أصـدقاء الواقـع ؟؟!!

نورتى يا ريناد
فعلا فى كل مكان فى الحلو وفى الوحش
بس انا هتكلم عن نفسى
انا قابلت صحاب كتير فى حياتى يمكن ماكنش ليا حظ فيهم
وشوفت منهم كتير مش كلهم الصراحه
بس لما دخلت نت وعرفت صحاب اكتر
قابلت منهم الحلو والوحش قابلت فيهم صحاب يعرفو يعنى ايه صاحب بجد
انا مطلعتش بصحاب غير من النت لقيت فيهم الوفاء والخوف والحب
ونفسى بجد نفضل كده طول العمر والزمن مايبعدناش عنهم زى مابعدنا عن ناس كتير كنا بنحبهم
عارفه انا لسه ماشى من عندى دلوقتى ايمن وشوشنى كان معايا هنا فى البيت
اهو ايمن ده عرفتو من النت بس بجد ده اللى الواحد يقدر يقول عليه صاحب بجد
مش معنى انى عرفته من النت يبقى معرفتنا كلها هتفضل على النت لازم نتقابل ونشوف بعض
فى حاجات كتير بتقدر تشوفها ماتقدرش تشوفها من ورا الشاشه
انت ممكن تحسها بس لما يبقى اودامك بتحسها اكتر
اتمنى من ربنا اننا نفضل صحاب واخوات طول العمر

نورتينا يا ريناد

بصراحة يا صابر الكلام ده جميل وكبير اوى وانا مش فاهم فيه اى حاجة

انا بهزر يا صابر وانت عارف انت بجد شاب رجولة فعلا ومع ان معرفتى بيك لسة من فترة قليلة لكن بجد انت شاب تمام وفعلا فى ناس على النت بترتاح معاهم وتشكى همومك ليهم وبدون احراج بالزات لو المسافات بينكم بعيدة ومش ينفع تشوفو بعض هتتكلم وهتفضفض لانك عارف ان سرك مش هيطلع برة ولو طلع مش هيأثر على حياتك كتير وماتخدش على كلامى لانى مش عارف انا بقول ايه ههههههههههههههههههههههههههههههههههههههه

عندك حق يا رينا ده كلام جميل وكلام معقول مقدرش اقول حاجة عنه

هههههههههههههههههههههههههههههههه
ربنا يخليك يا احمد
منور التوبيك والمنتدى كله

كلام عاقل بس غالبا حكمك على صديق الشات بيكون ناقص لانك بتتعامل معاه من خلاال شاشه وجهاز اصم ابكم فاقد الاحساس
الحوار بينكم بيكون حوار عقول ومش ابدان لاانت شايف الصدق فى عينه ولا حاسس الحب فى قلبه ولا لاامس الامان فى ايده
اللى ممكن ياكد احساسه بيك او نيته لصداقتك هو لقاء مباشر وجه لوجه وده صعب بين بنت وولد
انت ممكن تقابله وتصاحبه وتستقبله فى بيتك وهو كمان فعلااقتكم هتاخد مسار تانى غير الشات وغالبا بيكون صديق العمر وموضع اسرارك وطمئنينه نفسك
......... بس احنا مهما واكبنا التطور والتمادين فكره بنت تصاحب ولد وتقابله وتكلمه وتستقبله فى بيتها صعب بعض الشى

...... الغريب ان اغلبيه البنات رافضه انها تصاحب بنات وتوطد الصحبيه دى بلقاء مباشر مع انه متاح ويمكن عملته مع ولد ممكن انا غلط ونظرتى للوضع وتقييمى ليه غلط بس الصح ان الكومبيوتر مهما ارتقى عمره ماهيعوضك احساسك وحكمك على شخص قاعد وراء شاشه طوع كلامه ؟( يارب اكون غلط واقابل النموذج العكس لتفكيرى ( وشكرا على موضوعك صابر وعلى رايك ريناد وعلى روحك تيجر

تصدق بالله ياصابر مبقتش عارف مين الحلو ومين الوحش بس الحاجه الوحيده ال انا اعرفها ان الخل الوفي مش موجود في الزمن ال احنا لقينا نفسنا فيه ده او بمعنى تاني ال يحبك في الله .
وبعدين فين الايموشن بتاع الراجل المزبهل

احم احم ...... انا بقى هقول رايى فى الموضوع الهايل ده ياصابر وانت اكيد اكتر حد عارف انا هقول ايه .. اولا فعلا اى حد فينا واجه مشاكل وصعوبات كتيره فى حياته وشاف الحلو وشاف الوحش وفى الاول والاخر الحياه تجارب والتجارب دى بتخلينا اكثر قدره فى الحكم على الشخص اللى قدامى حتى لو الشخص ده مش قدامى وجها لوجه ... مش معنى كلامى ان ده غير ضرورى انه يكون قدامى لا بس هو فعلا بتبقى احلى انك تشوف ملامح تعبيراته ورد فعله ملامح حزنه وملامح فرحه وبيبقى اجمل بجد لو انت حسيت ده وهو مش قدامك يعنى يكون بينك وبينه شاشه تخيل دى حاجا جامده اوى وفعلا انا حسيت ده مع ناس هنا فى النت هما مش كتير يمكن واحد بس ده فعلا حد ونموزج للناس الكويسه اوى بجد بجد ونفسى تستمر لالاخر لو حتى مجرد زكرى لان بجد اى حد فينا بيحتاج لحد يحس بيه ويسمعه ويفهمه من غير حتى مايشوفه ....... ويارب كلامى يكون منطقى او على الاقل مقبول .........
وشكرا على موضوعك ياصابر وهو بجد شيق جد

no comment

حتى نو كومنت بتغشها منى

هو احنا فى امتحان يا ساندى

اولا تسلم ايدك بجد يا صابر على الموضوع دا
وانا دايما بحييك وخايف من كتر اعجابى بشخصيتك الناس تقول عليا منافق
بس انا بجد معجب بكل حاجه بتعملها ودا لانى باعزك كاخ وكصديق
ومن واقع تجربتى معاك
هاخدك مثل للصديق على النت طبعا الصداقه معناها كبير اوى اكتر من انك محتاج تتكلم مع شخص او تحكيله ويحكيلك تشكيله ويشكيلك الصداقه اكبر من كده بكتير
بس احنا بقينا فى زمن من وجهة نظرى اانا طغت حاجات كتير اوى نفت صفات كتير من الصداقه
بس انا عن نفسى يكفينى من الصديق الصدق والراى الصح حتى لو يغلطنى فيه ويكفينى ابتسامته فى وقت مافيهوش ابتسامه
وحنانه فى وقت مليان ظلم وسواء على النت او الواقع احنا لينا الظاهر فى اللى قدامنا
وكفايا بجد ان الواحد عرفن ناس زى صابر واحمد ونهى وريناد وسالو وبسكوته وكل الناس الحلوه اللى فى المنتدى
وربنا يخلينا لبعض يارب
ملحوظه(كلام نهى عجبنى اوى اوى)