اصعب احساس فى الدنيا

اصعب احساس فى الدنيا
تفتكروا ايه هو اصعب احساس حسيته او ممكن تحسه او خايف فى يوم من الايام تحس بيه وتجربه

تفتكروا ممكن الواحد يتغلب على الاحساس ده
تفتكروا نفسنا قويه لدرجه انها تتغلب على اللى بيحصلها
تفتكروا ليه كل ده بيحصل
ياترى علشان ده نصيب وكل واحد فينا ليه قدره ونصيبه فى الدنيا دى
ولا احنا اللى بنعمل فى نفسنا كده

تفتكروا الدنيا وحشه ولا احنا اللى وحشناها
ياريت لو تعرفوا اجابات لاسئلتى دى ياريت تريحونى
وانا فى انتظار ردودكم لانى بجد محتاجه اسمعكم
ااااااااه نسيت اقولكم اصعب احساس فى الدنيا وهو جزء من اصعب الاحاسيس
ا احساس ان حبيبك قدامك ومش قادر تقوله وحشتنى
احساس ان الحزن امتلك روحك
احساس الضحكه المزيفه على وشك وانت من جواك مليان دموع
احساس انك مش قادر تصوت وتقول اااااااااااااااااااااااااااااااه
شكرا ويارب مكنش ازعجتكم

بالعكس نهى كلاامك احتمال يرجعنا تانى لنفسنا مش ازعجنا خالص,,,, بس تعرفى ان الدنيا حلوه بس العيب بينا احنا بنغلط وكالعاده بنرمى الغلط على الدنيا . بنتصرف غلط واوقات بنعطى لاشياء اكبر واكتر من قيمتها ونحلم ونعيش الحلم قبل مانتأكد انه ممكن يتحقق ولا اوله ذى اخره مجرد وهم والاصعب من الصراخ وقولت ااااااااه انك تصرخى ولاحد يحس بيكى ولا يطبطب عليكى فيه احساس فظيع عن نفسى قاتلنى انى مش لااقيه نافسى حاسه انى تايهه وندمانه ومش عندى رغبه اعمل اى شىء بالدنيا دى رغم انها معايا ارحم من مع غيرى بمراحل اما الحب فانا عندى شىء واحد هو لاتعليق ................بجد موضوع حلو وفرصه اننا نواجهه نفسنا ونجبرها تحدد موقفها وهى عايزه ايه..يسلموا نهى

شكرا لمرورك ياساندى وحلو ردك جدا بس احنا اصحاب واخوات اكيد لو احتجتينى هتلاقينى بطبطب عليكى ومن ناحيه انك تايهه ومش لاقيه نفسك ..... عارفه احلى حاجا هتلاقى نفسك فيها هيا ايييييييييييه؟؟؟؟؟؟؟؟؟
هيا انك تقربى لربنا اكتر واكتر واى حاجا حلوه وحب يبقا لازم يكون لربنا علشان ربنا يكرمنا ويعوضنا عن اى حاجا خسرناها واى حاجا وحشه حصلتلنا ويلهمنا الصبر من عنده وحده لا اله الا هو
وشكرا ياحبيبتى لردك تانى مره

انا عندي حل للكلام ده كله تيجو بس نستضيفكو يومين عندنا في المعسكر وانتو هتبقو زي الفل عشان مش هتعرفو تفكرو غير في الخدمه والشغل والبلاوي السوده بتاعتنا وبعدها ابقو قابلوني لو حد حس بوحده ولا بخنقه وملل تاني :P
او حس اصلا بأي حاجه تاني :D

اشوف فيك يووووووووووووووووووم زى وشك يابعيد ههههههههههههههههه
ده رد ده يامنيل اللهى ربنا يوعدك بصاروخ ارض جوى ياحودا ههههههههههههههههه
وبرضو علشان مايبقاش حرام عليا شكرا على مرورك