ما هو الحب ؟؟؟؟؟؟؟؟

فى يوم كده وبصراحه فى اوقات كتيره اوى فى اسئله بتدور فى دماغى وببقى عايزه اعرف اجاباتها ومش من شخص او اتنين او تلاته لا ببقى عايزه اعرف اراء كتيره اوى .. وهيا اسئله عن الحب فأرجو مشاركتكم في الأجابة عليها و من كان لديه أسئلة أكثر ممكن أن يضيفها على هذه القائمة نكون شاكرين
- ما هو تعريف الحب ؟
- هل تؤمن بالحب ؟
- هل تؤمن بالحب من أول نظرة؟
- هل يختلف معنى الحب عبر العصور؟
- ما هو تأثير العمر على معنى الحب في المراحل التالية ( مراهقة , شباب , بعد الأربعين )
- فرق العمر بين الطرفين هل يؤثر على علاقة الحب؟
- أيهما أنجح ,الزواج عن طريق الأهل أو عن معرفة سابقة؟
- هل ممكن ان تحب أكثر من مرة؟


-هل يمكن أن يكره الأنسان الشخص بعد أن أحبه؟
- هل للمادة دور رئيسي في استمرار الحب؟
- نجاح الحب مستحيل أم ممكن , و كم نسبة نجاحه؟ البعد أيخفف المشاعر أم يلهب الأشواق؟
- هل يتغير الحب بعد الزواج؟
- بوجود الحب أيشترط وجود السعادة؟
- هل الغيرة ضرورية في الحب و ما دورها ؟ سلبي أم ايجابي؟
- أيهما أخلص الشب أم البنت؟
- هل الحب عبر الأنترنت و غرف الدردشة ممكن؟ (بمعنى أن تحب شخص لمجرد معرفتك لأفكاره بدون معرفة شكله أو صوته )

يارب الاسئله تكون سهله ويكون فيها حوار وجدال بينا كلنا
وانا فى انتظار ردودكم على الاسئله وبرضو هرد عليكم واكيد هتعرفوا اجابتى من تعليقى على ردودكم ..... وشكراااااااااااا

الحب؟
الحب احساس جميل يانهى
مالوش معنى محدد
ولا حد عرف يجيب اخره
بس هو احساس اكتر من جميل وانا شخصيا مؤمن بيه جدا لدرجة انى دايما باقول فيه
لو الحب زنب لكنت اول الجناه
اؤمن بالاعجاب من اول نظره انما الحب من اول نظرة لا
ممكن من اول لقاء ممكن
الحب واحد يانهى فى اى زمان واى مكان وحسب اختلاف الاشخاص بردو الحب واحد
مشاعر جميله من انسان تجاه انسان اخر ممكن بسببها يضحى باى شئ علشان خاطر الانسان دا
واكيد فرق العمر بيؤثر على علاقة الحب بين الاشخاص
اعتقد المعرفه السابقه انجح تقريبا مع اختلاف الظروف
والحب اكتر من مره ممكن واكيد كمان بس على حسب التجارب السابقه
اللى يحب مش بيعرف يكره يا نهى
اكيد الماده لها الدور الاول فى استمرارية الحب
كفايا كده بقا يا نهى انا تعبت

وحشتينا اوى اوى يا نهى على فكره ووحشتنا مواضيعك الجميله
ربنا مايحرمنا منك تانى ابدا بقا

- ما هو تعريف الحب ؟
الحب هوه نبض الحياه بدونه لا نستطيع العيش
- هل تؤمن بالحب ؟
اكيد
- هل تؤمن بالحب من أول نظرة؟
بصراحه لا لان كتير بتخداعنا المظاهر ممكن يكون اعجاب
- هل يختلف معنى الحب عبر العصور؟
لا طبعا الحب واحد فى اى مكان واى زمان لكن يختلف مفهومه ونظره الناس له
- ما هو تأثير العمر على معنى الحب في المراحل التالية ( مراهقة , شباب , بعد الأربعين )
فى مرحله المراهقه اظن ان الحب بيكون اعجاب من الاطرفين ليس اكتر
اما فى مرحله الشاب بيكون العقل نضج ومفهوم الانسان للحب اتغير افتكر بيكون افضل
فى مرحله الاربعين الصراحه لسه مجربتهاش بس اظن ان لو فعلا الحب استمر للمرحله دى بيكون هوه ده الحب الحقيقى الحب اللى عمره مابينتهى وعمر ماتغيره اى ظروف مهما كانت
- فرق العمر بين الطرفين هل يؤثر على علاقة الحب؟
اكير كل ماكان فرق السن مش كتير بيقدرو يفهمو بعض اكتر
- أيهما أنجح ,الزواج عن طريق الأهل أو عن معرفة سابقة؟
مش عارف الصراحه اصلى فشلت فى كله بس عن طريق الاهل انجح
- هل ممكن ان تحب أكثر من مرة؟
ممكن ليه لاء
-هل يمكن أن يكره الأنسان الشخص بعد أن أحبه؟
لا طبعا اللى بيحب مش ممكن يكره
- هل للمادة دور رئيسي في استمرار الحب؟
اكيد فى زمانا ده الماده هيه اساس الحب بدونها لا تستطيع حتى ان تحب
- نجاح الحب مستحيل أم ممكن , و كم نسبة نجاحه؟ البعد أيخفف المشاعر أم يلهب الأشواق؟
مافيش حاجه اسمها مستحل كلمه لا أأمن بها بالنسبه لنسبه نجاح الحب على حسب تقديرى انا 15 % البعد يلهب الاشواق
- هل يتغير الحب بعد الزواج؟
الحب لا يتغير بس يتغير مفهومه
- بوجود الحب أيشترط وجود السعادة؟
ما اظنش اوقات كتير الحب مايكنش سعيد اوقات كتير بيقلب بحزن لكن لا سعاده بدون حب
- هل الغيرة ضرورية في الحب و ما دورها ؟ سلبي أم ايجابي؟
الغيره مطلوبه هيه دليل الحب بس بحدود اوقات كتير بيبقى تاثرها سلبى
- أيهما أخلص الشب أم البنت؟
مش عارف الصراحه بس اللى متاكد منه ان البنت لما بتحب بتحب بجد اظن انها اخلص
- هل الحب عبر الأنترنت و غرف الدردشة ممكن؟ (بمعنى أن تحب شخص لمجرد معرفتك لأفكاره بدون معرفة شكله أو صوته )
عارفه يا نهى انا مره واحد سألنى السؤال ده من حوالى سنتين او اكتر وكان جوابى لالالالا طبعا مافيش حاجه اسمها حب من على النت ازاى احب من وراء شاشه لحد لما حبيت من على النت ودلوقتى هجاوب على نفس السؤال بس باجابه تانيه فى حب من على النت بس اكيد لازم اسمع صوتها واشوفها دى بتبقى مجرد بدايه

بجد يا نهى موضوع تحفه تسلم ايدك بجد
وياريت الكل يدخل يشارك
واتمنى ان انتى كمان تجاوبى على الاسئله دى

ميرسى اوى اوى على ردك ياشريف وانت كمان وحشتنى اوى وكلكم وحشتونى والله
ردك واجاباتك على الاسئله بجد اكتر من رائعه وعجبتنى جدا جدا


ثانيا ميرسى اوى ياصابر انت كمان رودوك تحفه بجد
اما ناحيه اجابتى على الاسئله دى فهيا متشابهه جدا مع ردودكم
ومن الاخر يعنى الحب ده بجد بجد احلى حاجا فى الدنيا وعن نفسى بيخلينى زى الطير طاير فى السما ومش ببقى حاسه باللى حواليا بجد وفى نفس الوقت بيبقى احلى لو استمر العمر كله كزوجه مع زوجها واولادها واكيد هيحصل مشاكل كتير بس بجد من رايى لما بيكون فى معرفه سابقه اكيد بيهون كتير وبيبقى فى تفاهم اكتر وعطاء اكبر
وبرضو الحب بيجى مع العشره اهم حاجا ان احنا نفهمه صح ونطبقه برضو صح الحب معانيه كتيره اوى ... عطاء تفاهم وتضحيه من الطرفين وحاجات كتيره حلوه اووووووووووووى

ومن الاخر يارب كلنا نعيش فى سعاده وحب يارب ومحدش ينحرم ابدا من حبيبه او حبيبته
وشكرا لتانى مره

تحفه التوبيك يا شذااااااااااااااا
تسلم ايدك بجد
انا اجاباتى كلها نفس اجابات صابر
بجد صابر رد والا كانه صحفى ف اخبار العواطف
تسلم ايديكووووووووو انتم الجوز
تقبلى مرورى يا اجمل شذا

- هل الحب عبر الأنترنت و غرف الدردشة ممكن؟ (بمعنى أن تحب شخص لمجرد معرفتك لأفكاره بدون معرفة شكله أو صوته )
عارفه يا نهى انا مره واحد سألنى السؤال ده من حوالى سنتين او اكتر وكان جوابى لالالالا طبعا مافيش حاجه اسمها حب من على النت ازاى احب من وراء شاشه لحد لما حبيت من على النت ودلوقتى هجاوب على نفس السؤال بس باجابه تانيه فى حب من على النت بس اكيد لازم اسمع صوتها واشوفها دى بتبقى مجرد بدايه


مين يا صابر اعترف؟؟؟؟؟؟؟؟؟